Natale raccontato dai nonni
L'edittu
San Giuseppi ’jornu stanno, nta la chiazza a Nazzaretti,
ppi so affari caminannu senti sonu di trummetti.
Senti leggiri n’edittu ca lu cori assai cci ha afflittu.
Chistu edittu cuntinia c’ogni omu d’ogni etati
iri a scrivirsi duvia a la sua propria citati
e n’tributu poi pavari quacchi summa di dinari!
A sta nova fausta e ria, San Giuseppi cuntristatu
iu a la casa e a Maria accussì dissi adduluratu:
“Oh cchi nova dulurusa iu ti portu amata spusa!”
“Oh cchi nova dulurusa iu ti portu amata spusa!”
San Giuseppi era cunfusu, comu fazzu ccu Maria!
S’idda senti chistu bannu, voli veniri ccu mia!
E Maria cc’ha arrispunnutu: Fatta sia la vuluntati
Giacchì Diu l’ha dispunutu vegnu unni mi purtati!
Inizio del viaggio
Giuseppe: Bona genti. ‘ncurtisia, ppi pietati e ppi rispettu
A dui afflitti a la strania, dati, datici rizzettu!
Coro: Viniti ni mia, viniti ni mia, Giuseppi Santu
E duci Maria!
Maria: E faciti caritati a du poveri mischini,
alluggiati, alluggiati, sti du afflitti pilligrini!
Coro: Viniti ni mia, viniti ni mia, Giuseppi Santu
e duci Maria!
Coro parlato: Binvinuti spusi santi, San Giuseppi ccu Maria,
binvinuti tutti quanti Santi spusi n’cumpagnia!
Coro: Viniti ni mia, viniti ni mia, Giuseppi Santu
e duci Maria!
Susi pasturi
San Giuseppi ccù Maria, si nni jeru a caminata,
ccù lu friddu e la jlata ci scurau nmenzu a na strata!
San Giuseppi a Maria dicia senti, senti, spusa mia
stu viaggiu avemu a fari, a Betlemmi avemu arrivari!
San Giuseppi lu vicchiareddu, s’appuiau a lu vastuneddu,
caminau quaranta migghia, chista fu la maravigghia.
E Maria stanca e avvinta, caminari non putia,
San Giuseppi cci dicia, arripositi Maria.
Lu bammino sta ppi nasciri e cci mancunu li fasci
su Maria lu sapia, fasci d’oru ci facia!
C’è na stadda senza tettu era ‘npocu abbannunata
era ‘npocu sdirubbata e di l’omu era scurdata!
E la notti di Natali, parturiu la gran Signora,
nasciu Gesu Bambineddu, nmenzu o voi e l’asineddu!
Gloria Gloria Gloria a Diu ch’è natu,lu bamminu disidiratu
Disidiratu di li pasturi, ora ch’è natu lu Redenturi!
Disidiratu di li pasturi, ora ch’è natu lu Redenturi!
Alligrativi pasturi, ca è natu lu Missia,
Betlemmi a li fridduri,‘ntra li razza di Maria!
Ni mancavano palazzi a lu Re di la natura,
‘o nasciu ‘ntra li strapazzi di na povera mangiatura!
Susi pasturi non dormiri cchiù, n’o viri ch’è natu u Bamminu Gesù!
Susi pasturi non dormiri cchiù n’o viri ch’è natu u Bamminu Gesù!
A sta nova Santa e pia, li pasturi puvureddi
si pattenu ‘ncumpagnia di l’afflitti pagghiareddi
Farauti e ciarameddi, ‘na dda rutta ci purtanu
e diversi canzuneddi a Gesuzzu ci cantanu!
Susi pasturi non dormiri cchiù n’o viri ch’è natu u Bamminu Gesù!
Arrivannu salutaru lu Bamminu e la Signora,
di stu modu ci parranu: Vi facemu la bonura!
Susi pasturi non dormiri cchiù n’o viri ch’è natu u Bamminu Gesù!
Comu na sta mangiatura lu viremu a li fridduri,
rispunniu la gran Signura: “Accussi vosi lu Signuri!”
Susi pasturi non dormiri cchiù n’o viri ch’è natu u Bamminu Gesù!
Susi pasturi non dormiri cchiù n’o viri ch’è natu u Bamminu Gesù
I doni dei pastori
Pastureddi unni iti ccu stu friddu accussì matinu?
Oh cummari cchì no sapiti ca è natu lu Gesù bamminu!
Ppi tto amuri iu cantirò, e dormi Gesu e fai la vò! Dormi Gesu e fai la vò! Eh la vò, la vò, la vò, e dormi Gesu e fai la vò. Dormi Gesu e fai la vò!
Li stidduzzi di lu cielu già si misiru a cantari.
Mentri c’è chistu fistinu sarà natu lu Gesù Bamminu!
Ppi tto amuri iu cantirò, dormi Gesù e fai la vò!
E lu poviru picurareddu nenti avìa cchi cci pur tari,
porta latti ‘nta na cista caciucavaddu e tuma frisca.
Ppi tto amuri iu cantirò, dormi Gesù e fai la vò!é (rip)
E lu poviru vinarolu nenti avìa cchi cci purtari,
ci purtò ‘na mustardedda e ‘npocu di vinu ppi cuariari.
Ppi tto amuri iu cantirò, dormi Gesù e fai la vò! (rip)
E lu poviru picuraru nenti avìa cchi cci pur tari, ci purtau nu piccureddu, pi jucari lu Bambineddu
Ppi tto amuri iu cantirò, e dormi Gesu e fai la vò! Dormi Gesu e fai la vò! Eh la vò, la vò, la vò, e dormi Gesu e fai la vò. Dormi Gesu e fai la vò!
Picciriddi cchì purtati a stu figghiu accussi beddu?
Jemu a cogghiri ciuriddi ppi purtalli a lu Bambineddu!
Ppi tto amuri iu cantirò, dormi Gesù e fai la vò!Dormi Gesù e fai la vò! Eh la vò, la vò…
A stidda
Li tri re A stidda manna luci a la montagna
e svigghia li pasturi addurmisciuti.
E illumina lu cielu e la campagna,
e li funtali solitari e muti.
C’è la gioia e l’alligria ‘ntra la rutta di Gesù
Mentri è natu lu Missia li pasturi in festa su!
E la stidda ppì signali, n’addimustra a ccù è ggh’è,
cca è notti di Natali e nasciu lu veru Re!
Supra la pagghia c’è lu Bambineddu,ca soffri stanno misu a li fridduri. Mentri lu voi ‘ccù lu sciccareddu, lu ciatunu e li fannu li caluri! C’è la gioia e l’alligria ‘ntra la rutta di Gesù
Mentri è natu lu Missia li pasturi in festa su! E la stidda ppì signali, n’addimustra a ccù è ggh’è, cca è notti di Natali e nasciu lu veru Re!
I doni dei Re
Li tri Re di l’Orienti, quannu ‘ntisiru la nova
ca nasciu lu Re putenti e non sanno unni si trova.
E si misiru ‘ncaminu, ppi truvari lu Bamminu!
E si misiru ‘ncaminu, ppi truvari lu Bamminu!
Una stidda rilucenti, ca facia nu gran splinnuri,
tra nuttati, friddu e gelu ppi truvarii a lu Signuri!
‘Ntra lu centru di l’invernu, p’attruvari u Verbu Eternu.
‘Ntra lu centru di l’invernu, p’attruvari u Verbu Eternu.
Ninna nanna di San Giuseppe
Fai la ninna, fai la nanna, oh bambinu non chianciri no
E nasciu lu Bammineddu senza ‘nfilu di capiddu
Ogni filu ca n’avia comu l’oru ci stralucia
Fai la ninna, fai la nanna, oh bambinu non chianciri no
Fai la ninna, fai la nanna, oh bambinu non chianciri no
La vò
Binidissi lu journu e lu mumentu
tò matri, quannu a latu ti truvò
doppu di novi misi, ccu gran stentu
'nguà 'nguà facisti, e 'n frunti tì vasò
Dormi nicuzzu ccu l'angili tò...
dormi e riposa, ti cantu la vò...
vò... vò... vo...
dormi, beddu fa la vò...
Si di lu celu calassi 'na fata,
non lu putissi fari 'ssu sblinnuri
ca stà facennu tu, biddizza amata,
'ntra ssà nacuzza di rosi e di ciuri
Dormi nicuzzu ccu l'angili tò...
dormi e riposa, ti cantu la vò...
vò... vò... vò...
dormi beddu e fa la vò...
Strofette
Quannu la bedda matri ia niscennu, pi gghiri ‘nta la casa di Sant’Anna
Lu Bammineddu ci dicia chiancennu, iu vogghiu iri ‘ncasa di la nanna
Nina nina nina , nina nina nina, ni na na ni na na ni nainà
Mentri figghuzzu vuliti viniri, puttati la badduzza cu la ranna
Adagiu non rumpiti li chiummini, sinnò la gnura nanna n’ incanna
Nina nina nina , nina nina nina, ni na na ni na na ni nainà
Quannu la matri santa iu alla fera, e ju a ccattari du pisi di linu,
lu signuruzzu cci dissi e chianceva, da fera mi purtati ‘ntamburinu
Nina nina nina , nina nina nina, ni na na ni na na ni nainà
Quannu la bedda matri iu a lavari, mannò lu Bammineddu ppì sapuni
Ci dissi figghiu miu n’addimurari, ti lavu la cammisa e lu jppuni
Nina nina nina , nina nina nina, ni na na ni na na ni nainà
Quannu lu Bambineddu yeva all’acqua, sulu lu bumbuliddu ruzzolava,
non si rompeva e non faceva nenti, spaventati arristavunu li genti!
Nina nina nina , nina nina nina, ni na na ni na na ni nainà
Nina nina nina , nina nina nina, ni na na ni na na ni nainà
Strofette
Sutta ‘mperi di nucidda, c’è ‘na naca picciridda,
si cci cucca lu Bamminu, San Giuseppi e San Jachinu
San Jachinu assittatu allu vancu,Patri, Figghiu e Spiritu Santu!
Sutta ‘nperi di patacca, c’è Maria ca tira l’acqua,
e ni tira ‘nquanrticeddu ppi lavari lu Bambineddu.
Lu Bambineddu s’arrifriddau e Maria s’angustiau!
Proverbi
A li quattro tempo di li vinnign li suli donni ni sunu digni.
A li quanttru tempura di Natali l’omini l’hanu a fari!
Vigilia di li vinnigni, l’omini ni sunu digni.
Vigilia di Natali, li parrini l’hanu a fari!
Lu Natali fallu cu li toi, cannaluvari fallu cu ccu voi!
Si Natali è ccu lu suli, Pasqua è ccu lu tizzuni!
Avanti Natali né friddu né fami, doppu Natali, lu friddu e la fami!
Doppu Natali crisci quantu ‘npassu i cani.
Di Natali a l’annu novu, crisci quantu ‘npassu d’omu.
L’ orbu
San Giusippuzzu, Gisuzzu e Maria
Ju m’affidu a vui ccu l’arma in pena
E spero ca mi dati tanta lena,
quannu m’allestu la mia puisia
Mentri sugnu ‘facci di sta cona,
lu Patriarca m’avissi aiutari
ppi quantu beni putissi cantari
e la nuvena arrisuttassi bona
‘Nghiornu ca lu Diu Patri era cuntentu
e ‘ntra lu tronu filici assittatu
d’angili e serafini atturniatu,
all’Arcangilu chiama risulenti!
Ci dissi: scinni jusu all’abitatu
cca dda cci trovi la vergini Maria,
Dicci ca porta lu veru Missia
‘nta lu so ventri puru e ‘nmaculatu
E quannu crisci, ‘nta li farisei,
porta la fidi e la riligiuni,
porta l’amuri e tanti cosi boni,
pirchì su chisti li dittati mei
Ora ringraziannu lu divinu,
terminu cca la me puisia,
e su u patruni non si siddia,
ni runa a tutti ‘nmbicchiereddu i vinu!
‘Nmbicchieri e u cannarozzu ni cattigghia,
a st’orbi c’arrufrisca la zirena
e nui ringraziamu la famigghia, di lu patruni ca ni fa a nuvena!
Evviva Gesù Bambinu!
A quattr’uri di la notti, san Giuseppi cci dicia
Aja fattu quantu potti, cchiu non pozzu spusa mia!
A novena è terminata e aspittannu i cucciddata,
facemuni tutti na bella abballata.
L'edittu
San Giuseppi ’jornu stanno, nta la chiazza a Nazzaretti,
ppi so affari caminannu senti sonu di trummetti.
Senti leggiri n’edittu ca lu cori assai cci ha afflittu.
Chistu edittu cuntinia c’ogni omu d’ogni etati
iri a scrivirsi duvia a la sua propria citati
e n’tributu poi pavari quacchi summa di dinari!
A sta nova fausta e ria, San Giuseppi cuntristatu
iu a la casa e a Maria accussì dissi adduluratu:
“Oh cchi nova dulurusa iu ti portu amata spusa!”
“Oh cchi nova dulurusa iu ti portu amata spusa!”
San Giuseppi era cunfusu, comu fazzu ccu Maria!
S’idda senti chistu bannu, voli veniri ccu mia!
E Maria cc’ha arrispunnutu: Fatta sia la vuluntati
Giacchì Diu l’ha dispunutu vegnu unni mi purtati!
Inizio del viaggio
Giuseppe: Bona genti. ‘ncurtisia, ppi pietati e ppi rispettu
A dui afflitti a la strania, dati, datici rizzettu!
Coro: Viniti ni mia, viniti ni mia, Giuseppi Santu
E duci Maria!
Maria: E faciti caritati a du poveri mischini,
alluggiati, alluggiati, sti du afflitti pilligrini!
Coro: Viniti ni mia, viniti ni mia, Giuseppi Santu
e duci Maria!
Coro parlato: Binvinuti spusi santi, San Giuseppi ccu Maria,
binvinuti tutti quanti Santi spusi n’cumpagnia!
Coro: Viniti ni mia, viniti ni mia, Giuseppi Santu
e duci Maria!
Susi pasturi
San Giuseppi ccù Maria, si nni jeru a caminata,
ccù lu friddu e la jlata ci scurau nmenzu a na strata!
San Giuseppi a Maria dicia senti, senti, spusa mia
stu viaggiu avemu a fari, a Betlemmi avemu arrivari!
San Giuseppi lu vicchiareddu, s’appuiau a lu vastuneddu,
caminau quaranta migghia, chista fu la maravigghia.
E Maria stanca e avvinta, caminari non putia,
San Giuseppi cci dicia, arripositi Maria.
Lu bammino sta ppi nasciri e cci mancunu li fasci
su Maria lu sapia, fasci d’oru ci facia!
C’è na stadda senza tettu era ‘npocu abbannunata
era ‘npocu sdirubbata e di l’omu era scurdata!
E la notti di Natali, parturiu la gran Signora,
nasciu Gesu Bambineddu, nmenzu o voi e l’asineddu!
Gloria Gloria Gloria a Diu ch’è natu,lu bamminu disidiratu
Disidiratu di li pasturi, ora ch’è natu lu Redenturi!
Disidiratu di li pasturi, ora ch’è natu lu Redenturi!
Alligrativi pasturi, ca è natu lu Missia,
Betlemmi a li fridduri,‘ntra li razza di Maria!
Ni mancavano palazzi a lu Re di la natura,
‘o nasciu ‘ntra li strapazzi di na povera mangiatura!
Susi pasturi non dormiri cchiù, n’o viri ch’è natu u Bamminu Gesù!
Susi pasturi non dormiri cchiù n’o viri ch’è natu u Bamminu Gesù!
A sta nova Santa e pia, li pasturi puvureddi
si pattenu ‘ncumpagnia di l’afflitti pagghiareddi
Farauti e ciarameddi, ‘na dda rutta ci purtanu
e diversi canzuneddi a Gesuzzu ci cantanu!
Susi pasturi non dormiri cchiù n’o viri ch’è natu u Bamminu Gesù!
Arrivannu salutaru lu Bamminu e la Signora,
di stu modu ci parranu: Vi facemu la bonura!
Susi pasturi non dormiri cchiù n’o viri ch’è natu u Bamminu Gesù!
Comu na sta mangiatura lu viremu a li fridduri,
rispunniu la gran Signura: “Accussi vosi lu Signuri!”
Susi pasturi non dormiri cchiù n’o viri ch’è natu u Bamminu Gesù!
Susi pasturi non dormiri cchiù n’o viri ch’è natu u Bamminu Gesù
I doni dei pastori
Pastureddi unni iti ccu stu friddu accussì matinu?
Oh cummari cchì no sapiti ca è natu lu Gesù bamminu!
Ppi tto amuri iu cantirò, e dormi Gesu e fai la vò! Dormi Gesu e fai la vò! Eh la vò, la vò, la vò, e dormi Gesu e fai la vò. Dormi Gesu e fai la vò!
Li stidduzzi di lu cielu già si misiru a cantari.
Mentri c’è chistu fistinu sarà natu lu Gesù Bamminu!
Ppi tto amuri iu cantirò, dormi Gesù e fai la vò!
E lu poviru picurareddu nenti avìa cchi cci pur tari,
porta latti ‘nta na cista caciucavaddu e tuma frisca.
Ppi tto amuri iu cantirò, dormi Gesù e fai la vò!é (rip)
E lu poviru vinarolu nenti avìa cchi cci purtari,
ci purtò ‘na mustardedda e ‘npocu di vinu ppi cuariari.
Ppi tto amuri iu cantirò, dormi Gesù e fai la vò! (rip)
E lu poviru picuraru nenti avìa cchi cci pur tari, ci purtau nu piccureddu, pi jucari lu Bambineddu
Ppi tto amuri iu cantirò, e dormi Gesu e fai la vò! Dormi Gesu e fai la vò! Eh la vò, la vò, la vò, e dormi Gesu e fai la vò. Dormi Gesu e fai la vò!
Picciriddi cchì purtati a stu figghiu accussi beddu?
Jemu a cogghiri ciuriddi ppi purtalli a lu Bambineddu!
Ppi tto amuri iu cantirò, dormi Gesù e fai la vò!Dormi Gesù e fai la vò! Eh la vò, la vò…
A stidda
Li tri re A stidda manna luci a la montagna
e svigghia li pasturi addurmisciuti.
E illumina lu cielu e la campagna,
e li funtali solitari e muti.
C’è la gioia e l’alligria ‘ntra la rutta di Gesù
Mentri è natu lu Missia li pasturi in festa su!
E la stidda ppì signali, n’addimustra a ccù è ggh’è,
cca è notti di Natali e nasciu lu veru Re!
Supra la pagghia c’è lu Bambineddu,ca soffri stanno misu a li fridduri. Mentri lu voi ‘ccù lu sciccareddu, lu ciatunu e li fannu li caluri! C’è la gioia e l’alligria ‘ntra la rutta di Gesù
Mentri è natu lu Missia li pasturi in festa su! E la stidda ppì signali, n’addimustra a ccù è ggh’è, cca è notti di Natali e nasciu lu veru Re!
I doni dei Re
Li tri Re di l’Orienti, quannu ‘ntisiru la nova
ca nasciu lu Re putenti e non sanno unni si trova.
E si misiru ‘ncaminu, ppi truvari lu Bamminu!
E si misiru ‘ncaminu, ppi truvari lu Bamminu!
Una stidda rilucenti, ca facia nu gran splinnuri,
tra nuttati, friddu e gelu ppi truvarii a lu Signuri!
‘Ntra lu centru di l’invernu, p’attruvari u Verbu Eternu.
‘Ntra lu centru di l’invernu, p’attruvari u Verbu Eternu.
Ninna nanna di San Giuseppe
Fai la ninna, fai la nanna, oh bambinu non chianciri no
E nasciu lu Bammineddu senza ‘nfilu di capiddu
Ogni filu ca n’avia comu l’oru ci stralucia
Fai la ninna, fai la nanna, oh bambinu non chianciri no
Fai la ninna, fai la nanna, oh bambinu non chianciri no
La vò
Binidissi lu journu e lu mumentu
tò matri, quannu a latu ti truvò
doppu di novi misi, ccu gran stentu
'nguà 'nguà facisti, e 'n frunti tì vasò
Dormi nicuzzu ccu l'angili tò...
dormi e riposa, ti cantu la vò...
vò... vò... vo...
dormi, beddu fa la vò...
Si di lu celu calassi 'na fata,
non lu putissi fari 'ssu sblinnuri
ca stà facennu tu, biddizza amata,
'ntra ssà nacuzza di rosi e di ciuri
Dormi nicuzzu ccu l'angili tò...
dormi e riposa, ti cantu la vò...
vò... vò... vò...
dormi beddu e fa la vò...
Strofette
Quannu la bedda matri ia niscennu, pi gghiri ‘nta la casa di Sant’Anna
Lu Bammineddu ci dicia chiancennu, iu vogghiu iri ‘ncasa di la nanna
Nina nina nina , nina nina nina, ni na na ni na na ni nainà
Mentri figghuzzu vuliti viniri, puttati la badduzza cu la ranna
Adagiu non rumpiti li chiummini, sinnò la gnura nanna n’ incanna
Nina nina nina , nina nina nina, ni na na ni na na ni nainà
Quannu la matri santa iu alla fera, e ju a ccattari du pisi di linu,
lu signuruzzu cci dissi e chianceva, da fera mi purtati ‘ntamburinu
Nina nina nina , nina nina nina, ni na na ni na na ni nainà
Quannu la bedda matri iu a lavari, mannò lu Bammineddu ppì sapuni
Ci dissi figghiu miu n’addimurari, ti lavu la cammisa e lu jppuni
Nina nina nina , nina nina nina, ni na na ni na na ni nainà
Quannu lu Bambineddu yeva all’acqua, sulu lu bumbuliddu ruzzolava,
non si rompeva e non faceva nenti, spaventati arristavunu li genti!
Nina nina nina , nina nina nina, ni na na ni na na ni nainà
Nina nina nina , nina nina nina, ni na na ni na na ni nainà
Strofette
Sutta ‘mperi di nucidda, c’è ‘na naca picciridda,
si cci cucca lu Bamminu, San Giuseppi e San Jachinu
San Jachinu assittatu allu vancu,Patri, Figghiu e Spiritu Santu!
Sutta ‘nperi di patacca, c’è Maria ca tira l’acqua,
e ni tira ‘nquanrticeddu ppi lavari lu Bambineddu.
Lu Bambineddu s’arrifriddau e Maria s’angustiau!
Proverbi
A li quattro tempo di li vinnign li suli donni ni sunu digni.
A li quanttru tempura di Natali l’omini l’hanu a fari!
Vigilia di li vinnigni, l’omini ni sunu digni.
Vigilia di Natali, li parrini l’hanu a fari!
Lu Natali fallu cu li toi, cannaluvari fallu cu ccu voi!
Si Natali è ccu lu suli, Pasqua è ccu lu tizzuni!
Avanti Natali né friddu né fami, doppu Natali, lu friddu e la fami!
Doppu Natali crisci quantu ‘npassu i cani.
Di Natali a l’annu novu, crisci quantu ‘npassu d’omu.
L’ orbu
San Giusippuzzu, Gisuzzu e Maria
Ju m’affidu a vui ccu l’arma in pena
E spero ca mi dati tanta lena,
quannu m’allestu la mia puisia
Mentri sugnu ‘facci di sta cona,
lu Patriarca m’avissi aiutari
ppi quantu beni putissi cantari
e la nuvena arrisuttassi bona
‘Nghiornu ca lu Diu Patri era cuntentu
e ‘ntra lu tronu filici assittatu
d’angili e serafini atturniatu,
all’Arcangilu chiama risulenti!
Ci dissi: scinni jusu all’abitatu
cca dda cci trovi la vergini Maria,
Dicci ca porta lu veru Missia
‘nta lu so ventri puru e ‘nmaculatu
E quannu crisci, ‘nta li farisei,
porta la fidi e la riligiuni,
porta l’amuri e tanti cosi boni,
pirchì su chisti li dittati mei
Ora ringraziannu lu divinu,
terminu cca la me puisia,
e su u patruni non si siddia,
ni runa a tutti ‘nmbicchiereddu i vinu!
‘Nmbicchieri e u cannarozzu ni cattigghia,
a st’orbi c’arrufrisca la zirena
e nui ringraziamu la famigghia, di lu patruni ca ni fa a nuvena!
Evviva Gesù Bambinu!
A quattr’uri di la notti, san Giuseppi cci dicia
Aja fattu quantu potti, cchiu non pozzu spusa mia!
A novena è terminata e aspittannu i cucciddata,
facemuni tutti na bella abballata.