Primavera siciliana
O primavera
ca porti ciuri e paci,
tu 'na lu munnu
a tutti pari duci;
'na 'sta muntagna
unn'è tutta 'sta braci
cci veni sempri
cchiù prestu e ti cunnuci!
Sarà 'sta sciara
ca forsi ti piaci,
sarà lu 'ncantu
di tutta 'sta gran luci,
sarà 'stu celu
o lu mari o stu focu
ca 'nnamurari
ti fa sempri di 'stu locu!
Primavera siciliana
tu ca porti la spiranza e la furtuna
tu si,di 'ncima di l'Etna a la chiana
amurusa e duci comu 'na canzuna!
Tu si l'amica
di tanti 'nnamurati
di l'acidduzzi
di l'arvuli ciuruti,
tu ca canusci
comu fannu li fati
tutti li cori
rusbigghi addurmisciuti!
T'aspetta amuri
e tutti li malati
pricchì cci porti
ristoru e la saluti;
puru l'amanti
di tanti sciarriati
ca sunnu stanchi
di ristari cchiù spartuti.
Primavera siciliana
di li cori di li genti si patruna
si sincera e bona comu a la funtana
ca a ccu mori di la siti l'acqua duna
Torna a canti siciliani
ca porti ciuri e paci,
tu 'na lu munnu
a tutti pari duci;
'na 'sta muntagna
unn'è tutta 'sta braci
cci veni sempri
cchiù prestu e ti cunnuci!
Sarà 'sta sciara
ca forsi ti piaci,
sarà lu 'ncantu
di tutta 'sta gran luci,
sarà 'stu celu
o lu mari o stu focu
ca 'nnamurari
ti fa sempri di 'stu locu!
Primavera siciliana
tu ca porti la spiranza e la furtuna
tu si,di 'ncima di l'Etna a la chiana
amurusa e duci comu 'na canzuna!
Tu si l'amica
di tanti 'nnamurati
di l'acidduzzi
di l'arvuli ciuruti,
tu ca canusci
comu fannu li fati
tutti li cori
rusbigghi addurmisciuti!
T'aspetta amuri
e tutti li malati
pricchì cci porti
ristoru e la saluti;
puru l'amanti
di tanti sciarriati
ca sunnu stanchi
di ristari cchiù spartuti.
Primavera siciliana
di li cori di li genti si patruna
si sincera e bona comu a la funtana
ca a ccu mori di la siti l'acqua duna
Torna a canti siciliani